ФИФА Қозоғистон терма жамоаси футболчиси Айбол Абикеннинг допинг-тестлари бўйича қарор қабул қилди. Футболчининг қонида мельдоний топилган.
Манбанинг ёзишича, футболчи уч йилга дисквалификация қилинган. Тез орада қарор расман эълон қилиниши керак.
Мельдоний S4 тоифасига киради (метаболик модуляторлар ва гормонлар). Ушбу дори учун 2016 йилда россиялик теннисчи Мария Шарапова 15 ойга дисквалификация қилинган эди.
Абикен Қозоғистон терма жамоаси сафида 14 та ўйин ўтказиб, битта гол уришга эришган.