Ярим ҳимоячи Генрих Мхитарян "Интер"га ўтишини якунлашга бир қадам қолди. Журналист Фабрицио Романо хабарига кўра, арманистонлик ярим ҳимоячи “нерадзуррилар” лагерида тиббий кўрикдан ўтган.
Энди Мхитарян бир неча ҳафта олдин келишиб олган клуб билан икки йиллик шартнома имзолаши керак. Эслатиб ўтамиз, арманистонлик ярим ҳимоячини "Интер" текинга қўлга киритади, чунки аввалроқ футболчи "Рома" билан шартномани узайтиришдан бош тортган ва клубни эркин агент сифатида тарк этганди.
Эслатиб ўтамиз, Мхитарян 3 мавсумдан бери А серияда ўйнамоқда. Сўнгги мавсумда у "Рома"га Конференциялар лигасида ғалаба қозонишга ёрдам берди.