"Бавария" клубига кўчиб ўтган Садио Мане ижтимоий тармоқ орқали "Ливерпуль" мухлислари билан хайрлашди. Эслатиб ўтамиз, сенегаллик футболчи "Бавария"га ўтиш учун шартнома муддати тугашига бир йил қолганда мерсисайд клубини тарк этишга қарор қилганди.
“Ҳурматли мухлислар, мен учун бу лаҳзага сўз топиш қийин. Сизга чин қалбимдан миннатдорчилик билдирмоқчиман, сўнгги 6 йил давомида эришган муваффақиятларимизнинг кичик бир қисми бўлганимдан мамнунман. Сиз ҳар доим ёнимда бўлдингиз, яхши кунларда ҳам, ёмон кунларда ҳам. Мен буни ҳеч қачон унутмайман. Яна бир бор раҳмат”, - деб ёзган сенегаллик футболчи ижтимоий тармоқларда.
Маненинг трансфери "Бавария"га 32 миллион еврога тушди.