Аввалроқ Франциянинг “Лион” клуби акцияларининг катта қисмини сотиб олиш бўйича келишувга эришган америкалик бизнесмен Жон Текстор клубни яхшилаш режалари ҳақида гапирди.
"Биз чемпионликни қўлга киритишни, Европа аренасига қайтиб, ғалаба қозонишни истаймиз. Биз "ПСЖ"ни мағлуб этишни истаймиз. Биз 86 миллион евро сармоя киритмоқчимиз, бунинг асосий қисми янги ўйинчиларни сотиб олишга қаратилган.
Менга "ПСЖ" каби лойиҳалар ёқмайди. "Лион"нинг ҳозирги президенти қилган ишни давом эттирсак, Қатардан келган инвестордан кўра кўпроқ даромад олишимиз мумкин. Менимча, пул футболни барбод қилди”, - деди Текстор.
Франциянинг етти карра чемпионини сотиб олиш шартномасига кўра, Текстор "Лион"нинг 67 фоиздан кўпроқ акциясини сотиб олди.