"Бавария" бош мураббийи Юлиан Нагельсманн "Ливерпул"дан Садио Маненинг келиши ҳақида фикр билдирди.

“Биринчи учрашувимизданоқ Садио ўзини камтарин инсон сифатида кўрсатди, бу мақомдаги футболчилар орасида жуда кам учрайди. Шундан сўнг, трансферни амалга ошириш ғояси бизни янада кўпроқ қизиқтирди.

Биз “Бавария”миз ва бизда доим жаҳон даражасидаги футболчиларни таклиф қилиш имконияти бор, лекин баъзида молиявий нуқтаи назардан қийин бўлади, айниқса, Англиядан келган футболчилар ҳақида гап кетганда. Манега келсак, бундай муаммолар йўқ эди, чунки у бизнинг лойиҳамизга жуда қизиқди. Бу имзони амалга оширганимиздан жуда хурсандман.

Мане "Бавария"да қайси позицияда ўйнаши ҳақида гапиришга ҳали эрта, лекин у 4-5 позицияда ўйнашга қодир", - деди Нагельсманн.