"ПСЖ" "Ницца" бош мураббийи Кристоф Галтье билан 2+1 схемаси бўйича шартнома тузади, маоши эса парижликларнинг амалдаги устози Маурисио Почеттиноникидан кам бўлади. Бу ҳақда L'Equipe нашри хабар бермоқда.
Манбанинг таъкидлашича, 55 ёшли мутахассис Почеттинонинг ўрнига "ПСЖ"ни бошқаришга ҳар қачонгидан ҳам яқинроқ.
Бироқ француз клуби раҳбарияти аргентиналик мутахассис ва унинг мураббийлар штаби билан товон пули миқдорини ҳалигача келишмаган.
Аввалроқ, "ПСЖ" Почеттинони истеъфога чиқариб, Гальтьени тайинлаши кераклиги ҳақида хабарлар тарқалган эди.
