Мадриднинг “Реал” клуби ҳимоячиси Дани Карвахаль жамоасининг кучига ишонч билдирмоқда.
"Қаймоқранглилар" Париж финалида "Ливерпул"ни минимал ҳисобда мағлуб этиб, Чемпионлар лигасининг сўнгги қурасини ғалаба билан якунлади.
Карвахалнинг сўзларига кўра, "Реал Мадрид"нинг муваффақияти шу билан тугамайди: "Мухлисларимизни бўлажак Чемпионлар лигасининг Истанбул финали чипталарини сотиб олишга чақираман. Биз яна у ерга боришга ҳаракат қиламиз", - деди 30 ёшли испаниялик Diario AS нашрига берган интервьюсида.
Дани Карвахаль ўтган мавсумда "Реал" сафида 35 та ўйинда майдонга тушди. Унинг ҳисобида битта гол ва тўртта голли узатма бор.
