"Ливерпуль" спорт директори Майкл Эдвардс Англиянинг бошқа топ-клубига ўтиши мумкин, деб хабар беради Daily Mail.
Эдвардснинг амалдаги шартномаси июнь ойида тугайди. "Челси" ва "Манчестер Юнайтед" 43 ёшли англиялик мутахассисни янги спорт директори сифатида кўришни истамоқда.
Эдвардс “Ливерпуль”да 11 йилдан буён ишлаб келмоқда. 2011-2013 йилларда у клубнинг таҳлилий бўлими бошлиғи, кейин эса техник ва спорт директори лавозимларида ишлаган.