"Барселона"га "ПСЖ" ҳужумчиси Неймарни 50 миллион евро эвазига сотиб олиш таклифи тушди, деб хабар беради телеканали.
Манбага кўра, Каталония клубига "ПСЖ"дан воситачилар қўнғироқ қилишган.
Қайд этилишича, "Барселона"га Париж клуби билан музокараларда муаммо бўлмаслиги ваъда қилинган.
Шу билан бирга, 30 ёшли бразилиялик футболчининг ўзи ҳам "Барса"га қайтишдан хурсанд бўларди. Бу ҳужумчи кетишга тайёр бўлган ягона клуб.
Бироқ ҳозир каталонияликлар Неймарни қўлга киритиш вариантини кўриб чиқмаяпти, чунки улар бор эътиборини "Бавария" ҳужумчиси Роберт Левандовски трансферига қаратган.
Неймар ўтган мавсумда парижликлар сафида барча мусобақаларда 28 ўйинда 13 та гол урди ва 8 та голли узатмани амалга оширди. Ҳужумчининг клуб билан шартномаси 2025 йилнинг 30 июнига қадар мўлжалланган.