"Милан" уч футболчисини сотиш орқали ёзги трансфер бюджетини оширмоқчи. Гап ҳужумчи Анте Ребич, ярим ҳимоячи Алексис Салемекерс ва ҳимоячи Фода Балло-Туре ҳақида кетмоқда.
Football Italia нашри хабарига кўра, "Милан"нинг ҳозирги трансфер бюджети 60 миллион еврони ташкил қилади. Шу боисдан ҳам “россонерлар” ҳалигача “Лилль” клубидан Свен Ботман ва Ренату Саншешлар трансферини йўлга қўя олишмади.
Эслатиб ўтамиз, ҳужумчи Дивок Ориги тез орада клубга келади ва у эркин агент сифатида шартнома имзолайди.
"Милан" ўтган мавсумда 11 йил ичида илк Скудеттони қўлга киритди ва турнир жадвалида қўшни "Интер"ни икки очкога ортда қолдирди.