Аргентиналик мутахассис Хорхе Сампаоли "Марсель" клуби раҳбариятининг трансфер бозоридаги ҳаракатларидан норози. Клуб раҳбарияти таркибни кучайтириш учун қатъий қадамлар ташламаса, мураббий клубни тарк этиши мумкин.
Todofichajes нашрининг хабарига кўра, мураббий янги ўйинчиларни ололмаса, шу ой охиригача истеъфога чиқади. Аввалроқ ОАВ "Марсел"нинг чилилик ҳужумчи Алексис Санчес ва босниялик ярим ҳимоячи Миралем Пьяничга қизиқиши ҳақида хабар берган эди.
62 ёшли мураббийнинг "Марсель" билан амалдаги шартномаси 2023 йилнинг ўрталарига қадар мўлжалланган. Унинг қўл остида провансликлар ўтган мавсумда Франция вице-чемпионига айланишди.