«Марсель» «Арсенал» ҳимоячиси Уильям Салибани ўз сафига қўшиб олмоқчи, дея хабар беради Foot Mercato.
Аввалроқ, франциялик футболчи шартнома якунига қадар Лондон клубида қолишни режалаштираётгани хабар қилинганди. Амалдаги келишув 2024 йилнинг ёзига қадар мўлжалланган.
«Марсель» Лондон клуби футболчини қандай шароитда сотиши мумкинлигини билиш учун «Арсенал» раҳбариятига мурожаат қилди.
21 ёшли ҳимоячи 2019 йилнинг ёзидан буён «Арсенал»да тўп тепади. Бу вақт ичида у «Сент-Этьен», «Ницца» ва «Марсел»да ижара асосида ўйнади.
2021/22 йилги мавсумда Салиба «Марсель» сафида Лига 1 да 36 та ўйинда майдонга тушди.
