Аргентиналик ҳужумчи Лионель Месси бугун ўзининг туғилган кунини нишонламоқда. "ПСЖ" ҳужумчиси 35 ёшга тўлди.
Месси ўтган ёзда 18 йил давомида ўйнаган Каталониянинг "Барселона" клубини тарк этиб, "ПСЖ" клубига текинга ўтганди. Парижликлар билан биргаликда Лионель якунланган мавсумда Франция чемпионига айланди. Парижликлар сафида 34 та ўйинда 11 та гол урди ва 15 та голли узатмага муаллифлик қилган.
"Барселона"да аргентиналик футболчи ўн марта Испания чемпиони бўлди ва тўрт марта Чемпионлар лигасида ғолиб чиқди.
Месси "Олтин тўп"нинг етти карра соҳиби.
