Миланнинг "Интер" ва Лондоннинг "Челси" клублари Англия жамоаси ҳужумчиси Ромелу Лукакунинг 2022/2023 йилги мавсум учун ижара шартлари бўйича келишиб олди. Бу ҳақда журналист Фабрицио Романо Twitter'да хабар берди.
Манбага кўра, томонлар барча шартлар бўйича келишиб олган ва трансфер келаси ҳафта эълон қилинади. “Интер” футболчини сотиб олиш имкониятига эга эмас.
29 ёшли Лукаку 2019 йилдан 2021 йилгача “Интер” сафида тўп сурган ва жамоа сафида 95 та ўйинда майдонга тушиб, 64 та гол урган ва 16 та голли узатмани амалга оширган.
Бир йил аввал “Челси” Ромелуни 113 миллион еврога сотиб олганди. 2021/2022-йилги мавсумда Лукаку 44 учрашувда 15 бор гол урди ва икки бор шерикларига ассистентлик қилди. Томонлар ўртасидаги келишув 2026 йилда якунига етади.
