Англия футбол ассоциациясининг маълум қилишича, терма жамоа ишқибозлари Евро-2012нинг Англияга ажратилган чипта квотасининг ярмини ҳам сотиб олмадилар.
FA Англиянинг Франция ва Украинага қарши ўйнларига 7,5 минг, Швеция билан ўйинга 9 минг чипта қабул қилган эди. Аммо "уч шерлар" ишқибозлари ҳар бир ўйинга 3 мингтадан чипта сотиб олдилар, холос. Сотилмаган чипталар ФИФАга қайтарилади ва эркин сотувга қўйилади. Шундай қилиб Евро-2012даги Англия терма жамоасини қўллаб-қувватлаш, сўнгги йиллардаги барча Европа ва Жаҳон чемпионатларидаги энг кам сонлиси бўлиб қолмоқда.
"Ишқибозларнинг кам фаоллигининг бир нечта сабаби бор. Киевгача бўлган авиачипталарнинг қимматлиги, чунки узоқ масофа саёҳат ҳаражатларнинг ортишига олиб келади. Меҳмонхоналардаги нархларнинг ҳам кескин кўтарилиб кетиши. Украина - дам олиш маскани эмас ва ўйинлар орасидаги бўш вақтларни қандай ўтказиш ҳақидаги саволлар ҳам пайдо бўлмоқда. Бу бутун оила кун бўйи пляжда вақт ўтказадиган Алгарве (Португалия) эмас", - дейди Англия футбол мухлислари федерацияси (FSF) вакили Кевин Майлс.
