"Интер" бош мураббийи Симоне Индзаги Италия чемпионатининг 2022/2023 йилги мавсуми ўйинлари тақвими ҳақида фикр билдирди. Дастлабки турда "нерадзуррилар" сафарда "Лечче" билан тўқнаш келишади.
“Мавсумни эндигина А Серияга чиққан жамоага қарши ўйин билан бошлаймиз. Бу қизиқ ва биз тўлиқ диққатимизни жамлашимиз керак. Италияда осон ўйинлар бўлмайди. Айтганча, биз ҳафтада икки марта ўйнаймиз. Тайёргарликка масъулият билан ёндашишимиз, уни тўғри ўтказганимизга ишонч ҳосил қилишимиз, кейин эса ҳар бир ўйинда қатъий ва ғалаба қозониш истаги билан ҳаракат қилишимиз керак", - деди Индзаги "Интер" расмий сайтига берган интервьюсида.
