“Тоттенхэм” ярим ҳимоячиси Тангуй Ндомбеле фаолиятини Туркия чемпионатида давом эттириши мумкин.
Франциялик футболчи ўтган мавсумда “Лион”да ижара асосида ўйнаганди. Лига 1 жамоаси ярим ҳимоячини сотиб олмаган ва "Тоттенхэм" бош мураббийи Антонио Конте ўз жамоасининг марказида Ндомбеле учун жой кўрмаяпти.
"Шпорлар" аллақачон 25 ёшли футболчини Туркиянинг "Галатасарой" клубига ижарага беришни келишиб олган. Шартнома шунингдек, кейинчалик сотиб олиш имкониятини ҳам ўз ичига олади.
2021/22-йилги мавсумда Тангуй Ндомбеле Франция чемпионатида “Лион” сафида 11 ўйинда майдонга тушиб, иккита голли узатма муаллифига айланди.
