"Брайтон" ярим ҳимоячиси Марк Кукурелья "Манчестер Сити"га ўтишга яқин турибди. У аллақачон “шаҳарликлар” билан 2027 йилгача мўлжалланган шартномани келишиб олган, деб хабар беради The Telegraph.
Аввалроқ, Англия чемпиони бош мураббий Хосеп Гвардиоланинг асосий мақсади бўлган 23 ёшли испаниялик учун 60 миллион евро тўлаши хабар қилинганди.
2021/22 йилги мавсумда Кукурелья "Брайтон" таркибида 38 ўйинда 2 та голли узатмани амалга оширди.
Футболчи - "Барселона" тарбияланувчиси ҳисобланади.