"Манчестер Юнайтед" ҳужумчи Криштиану Роналдуни сотиш ниятида эмас, дея хабар беради журналист Фабрицио Романо.
Манбанинг хабарига кўра, айни дамда клуб 37 ёшли португалияликни сотиш бўйича ҳеч қандай музокаралар олиб бораётгани йўқ. "Манчестер Юнайтед"нинг янги бош мураббийи Эрик тен Хаг ҳужумчини ўзида сақлаб қолмоқчи ва уни кейинги мавсумда жамоада бўлишига умид қилмоқда.
Олдинроқ "Челси"нинг янги хўжайини Тодд Боэли Роналдунинг агенти Хорхе Мендеш билан учрашиб, ҳужумчининг трансферини муҳокама қилгани ҳақида хабар берилганди.
Роналду 2021 йил августь ойи охирида "Манчестер Юнайтед"га қайтди. 2021/22 йилги мавсумда у жамоа учун барча мусобақаларда 38 та ўйинда 24 та гол урди ва 3 та голли узатмани амалга оширди.
