"Ньюкасл" "Лилль" ҳимоячиси Свен Ботманнинг трансферини ҳал қилди, дея хабар беради журналист Фабрицио Романо.
Манбага кўра, 22 ёшли нидерландиялик футболчи янги жамоасига ўтишини якунлаш учун келаси ҳафта бошида Англияга учиб келади.
"Ньюкасл" футболчи учун 37 миллион евро тўлайди, келишув футболчининг ўйинларига қараб потенциал бонус тўловларини ўз ичига олади.
2021/22-йилги мавсумда Ботман “Лилль” сафида 32 та ўйинда майдонга тушиб, 3 та гол урди ва 1 та голли узатмани амалга оширди. Transfermarkt.com портали ҳимоячининг нархини 30 миллион еврога баҳоламоқда.
