Испания терма жамоасининг бош мураббийи Висенте Дель Боске жамоасининг Европа чемпионатига тайёргарлиги хусусида фикр билдирди. Испанлар сўнгги назорат учрашувини Хитойга қарши ўтказадилар.

"Мен Хитойдан хавотир оляпман, ундан ҳам кўра Пирлодан хавотирим кўпроқ. Биз ўртоқлик учрашувига яхши тайёргарлик кўришни истаймиз.

Узоқ давом этган мавсум бизга ҳалақит бермайди, ҳамма ўйинчилар терма ихтиёрига яхши жисмоний ҳолатда келишди.

Шифокорларимиз тикланиш жараёни яхши бораётганини айтишди ва ҳаммаси яхши бўлади", - дея Дель Боскенинг сўзларини келтиради Football Italia.