Черногория миллий чемпионатида антиқа ҳодиса содир бўлди. Ушбу ўйин натижасидан қатъий назар чемпионга айланиб улгурган "Будучност" клуби "Ловчен" клубини ўз майдонида қабул қилди.

Мухлисларнинг ҳадеб майдонга югуриб киравериши натижасида ҳакам ўйинни тугатишда жуда қийналди. Ўйинда 102-дақиқа. "Ловчен" клуби ҳисобда олдинда бормоқда. "Будучност" вакиллари жарима тўпи тепиши керак. Шу пайт трибунадан юзини кўк рангга бўяб, "Будучност" либосини кийиб олган бир мухлс югуриб чиқади. Аввалига "Будучност" клубининг бир ўйинчисини кўтариб олади. Кейин жарима тўпини тепмоқчи бўлган иккинчи футболчини туртиб четга суради ва жарима тўпини ўзи амалга оширади. Буни қарангки, тўп тўғри дарвозага бориб тушади. Мухлис худди машҳур футболчилардек голни нишонлашга тушади. Трибунадаги барча мухлислар ушбу мухлиснинг голини нишонлашади.