"Интер" ҳужумчиси Алексис Санчес Испаниянинг "Вильярреал" клубига ўтишдан бош тортди, дея хабар беради Football Italia.
Аввалроқ, 33 ёшли чилилик футболчи "Галатасарой", "Севилья" ва "Марсел" билан ҳам вариантлардан воз кечганди.
33 ёшли Алексис Санчеснинг "Интер" билан шартномаси 2023 йилнинг ёзида якунига етади. Милан клуби юқори маош туфайли футболчидан қутулмоқчи.
"Барселона", "Арсенал" ва "Манчестер Юнайтед"нинг собиқ форварди ўтган мавсумда "нерадзуррилар" сафида барча турнирларда 39 та ўйинда майдонга тушиб, 9 та гол ва 5 та голли узатмани амалга оширган.
