“Барселона” ва “Атлетико” клубларининг собиқ ҳужумчиси Луис Суарес Европани тарк этиб, Жанубий Америкада ўйнашга қарор қилди.
Кристиан Мартиннинг ижтимоий тармоқлардаги хабарига кўра, 35 ёшли тўпурар ўз фаолиятини Аргентина чемпионатида давом эттиради.
Суарес "Ривер Плейт" сафига эркин агент сифатида қўшилди. Томонлар ўртасидаги келишув тафсилотлари ҳозирча ошкор этилмаган.
Аввалроқ ОАВда Луис МЛСга ўтишга яқин экани ҳақида хабарлар тарқалганди.
Ўтган мавсумда уругвайлик тўпурар “матрасчилар” сафида 45 та учрашув ўтказиб, 13 та гол киритган ва иккита голли узатмага муаллифлик қилган.