Sky Sports хабарига кўра, "Тоттенхэм" "Эвертон"нинг икки футболчиси Ришарлисон ва Энтони Гордонни ўз сафига қўшиб олмоқчи.
Манбанинг хабарига кўра, мерсисайдликлар шу ҳафтада лондонликлардан таклиф кутишмоқда.
Айни дамда 25 ёшли Ришарлисоннинг трансфер қиймати, Transfermarkt маълумотларига кўра, 48 миллион еврони ташкил қилмоқда.
Жорий мавсумда бразилиялик барча мусобақаларда 32 та ўйинда 10 та гол урди ва 5 та голли узатмани амалга оширди. Ҳужумчининг клуб билан шартномаси 2024 йилнинг 30 июнига қадар мўлжалланган.
21 ёшли Гордон "Эвертон" тарбияланувчиси ҳисобланади. Ўтган мавсумда у клуб сафида 40 та ўйинда майдонга тушиб, 4 та гол урди ва 3 та голга ассистентлик қилди. Унинг шартномаси 2025 йилнинг июнигача амал қилади.
