Ҳужумчи Ромелу Лукаку тез орада расман "Челси"дан "Интер"га ўтади. Клублар вакиллари барча ҳужжатларни расмийлаштиришди, дейди журналист Николо Скира.
28 июнь, чоршанба куни белгиялик футболчи тиббий кўрикдан ўтади, шундан сўнг келишув расман эълон қилинади.
Олдинроқ “Интер” ижара учун 8 миллион евро тўлаши, “Челси” эса бонус сифатида яна 4 миллион евро олиши мумкинлиги хабар қилинганди.
29 ёшли белгиялик футболчининг ўзи маошини йилига 12 миллион евродан 8 миллион еврога камайтиришга рози бўлган.
2021/22 йилги мавсумда Лукаку "Челси" сафида барча турнирлар доирасида 42 та ўйинда майдонга тушиб, 13 та гол урди ва 5 та голли узатмани амалга оширди.
