Hujumchi Romelu Lukaku tez orada rasman "Chelsi"dan "Inter"ga o‘tadi. Klublar vakillari barcha hujjatlarni rasmiylashtirishdi, deydi jurnalist Nikolo Skira.

28 iyun, chorshanba kuni belgiyalik futbolchi tibbiy ko‘rikdan o‘tadi, shundan so‘ng kelishuv rasman e’lon qilinadi.

Oldinroq “Inter” ijara uchun 8 million yevro to‘lashi, “Chelsi” esa bonus sifatida yana 4 million yevro olishi mumkinligi xabar qilingandi.

29 yoshli belgiyalik futbolchining o‘zi maoshini yiliga 12 million yevrodan 8 million yevroga kamaytirishga rozi bo‘lgan.

2021/22 yilgi mavsumda Lukaku "Chelsi" safida barcha turnirlar doirasida 42 ta o‘yinda maydonga tushib, 13 ta gol urdi va 5 ta golli uzatmani amalga oshirdi.