"Интер" бош директори Жузеппе Маротта "Ювентус"нинг собиқ ҳужумчиси Пауло Дибала билан музокараларнинг бориши ҳақида гапирди.
“Биз унинг агентлари билан учрашув ўтказдик. Биз турли хил вариантларни кўриб чиқамиз. Бироқ, иккала томон ҳам ушбу шартларга рози бўлиши керак. Ҳозирча мен аниқ бир нарса қўша олмайман", - дея Мароттадан иқтибос келтиради журналист Фабрицио Романо.
Аввалроқ, футболчи миланликлар клуби билан 2026 йилгача шартнома имзолаши ҳақида хабар берилганди. Унинг "Интер"даги маоши бонуслар билан бирга йилига 8 миллион еврони ташкил қилади.
Дибала ўтган мавсумда "Ювентус" таркибида 39 ўйинда 15 гол урди ва 6 голга ассистентлик қилди. У Турин клубини текинга тарк этади.
