Амстердамнинг "Аякс" клуби "Челси" ва "Манчестер Юнайтед" қизиқаётган бразилиялик ҳужумчи Антони учун жуда катта пул олмоқчи, деб ёзди журналист Фабрицио Романо твиттерда.
Манбага кўра, Нидерландия клуби футболчи учун 80 миллион евро талаб қилмоқда ва унинг нархини пасайтириш ниятида эмас. Шундай қилиб, ўйинчининг кетиш эҳтимоли камаяди. Олдинроқ "Манчестер Юнайтед" бразилиялик футболчини 45 миллион евро эвазига сотиб олишга яқин экани хабар қилинганди.
22 ёшли Антони ўтган мавсумда "Аякс" сафида барча турнирларда 32 ўйинда майдонга тушиб, 12 гол урди ва 10 голга ассистентлик қилди. Унинг клуб билан шартномаси 2025 йилнинг ёзига қадар мўлжалланган.
