40 ёшли швециялик тўпурар Златан Ибрагимович фаолиятини якунлаш ҳақида ўйламаяпти. Sport.es хабарига кўра, скандинавиялик тажрибали ҳужумчи “Милан”да ўйнашни давом эттирмоқчи.
Яқин орада Златан “россонерилар” вакиллари билан учрашув ўтказади. Томонлар ҳамкорликни узайтириш тафсилотларини муҳокама қилади. Ибраҳимович "Милан"да қолиш учун маошининг катта қисмини қурбон қилишга тайёр. Швециялик футболчи маошни йилига 7 миллион евродан икки миллион еврогача камайтиришга рози.
Златаннинг "Милан" билан шартномаси шу ой охирида якунига етади. Скандинавиялик футболчи “россонерилар” билан биргаликда ўтган мавсумда Италия чемпионига айланганди.
