"Севилья" "Ливерпул"нинг собиқ ярим ҳимоячиси, ҳозирда Италия А Сериясида тўп сураётган футболчининг трансфери устида ишламоқда. Журналист Николо Скиранинг хабарига кўра, гап "Лацио" ярим ҳимоячиси Луис Альберто ҳақида кетмоқда.
Манба берган хабарга кўра, Андалусия клуби "Лацио"га ярим ҳимоячи учун 20 миллион евро таклиф қилган, аммо Рим раҳбарияти ушбу трансфердан кўпроқ маблағ ишлашни хоҳламоқда. Гап шундаки, бу трансфернинг 30 фоизи "Лацио" билан трансфер шартномасига ушбу вариантни киритган "Ливерпул"га тушади.
Луис Альберто аввалроқ Испания Ла Лигасига қайтишни исташини айтганди. 29 ёшли ярим ҳимоячи “Лацио” сафида 219 та ўйинда майдонга тушиб, 40 та гол урди ва 60 та голли узатмани амалга оширди.
