"Реал" билан шартномаси якунланганидан кейин эркин агент мақомига эга бўлган испаниялик ярим ҳимоячи Иско фаолиятини Ла Лиганинг бошқа клубида давом эттиради, дея хабар беради журналист Экрем Конур.
30 ёшли футболчи билан "Севилья" шартнома имзолашга тайёр. Андалусияликлар футболчига яна бир мавсум узайтириш имконияти билан икки йиллик шартнома таклиф қилишди.
Иско "Реал"га 2013 йилда "Малага"дан келиб қўшилган эди. Жамоа таркибида у беш карра Чемпионлар лигаси ғолиби, уч карра Испания чемпиони ва УЕФА Суперкубоги соҳибига айланди.
2021/22 йилги мавсумда футболчи барча мусобақаларда жамоаси учун 17 та ўйинда 2 та гол урди.
