"Торино" "Монако" ҳужумчиси Пиетро Пеллегри билан шартнома имзолади.
21 ёшли форвард ўтган мавсумни "Торино"да ижара асосида ўтказган бўлса, энди "буқалар" футболчининг шартномасини тўлиқ сотиб олишди.
Миш-мишларга кўра, бу трансфер Италия клубига 5 миллион евро ва бонуслар тушган.
Пеллегри ўз фаолиятини “Женоа”да бошлаган ва у ерда 2017 йилнинг май ойида 21 асрда туғилиб, Европанинг топ-5 лигасида гол урган биринчи футболчи бўлганди. Кейинги мавсумда Пеллегри 16 ёшу 184 кунлик натижа билан А Серия тарихидаги энг ёш дубль муаллифига айланди.
Ушбу муваффақиятлардан сўнг "Монако" футболчини 21 миллион еврога сотиб олди, аммо трансфер ўзини оқламади - 23 учрашувда 2 гол ва 1 голли узатма.
