Суперлига 13-тури доирасида "Навбаҳор" сафарда Олмалиқнинг АГМК клубига қарши майдонга тушади.

Мазкур рақиблар шу кунга қадар миллий чемпионатларимизда 28 марта куч синашишган. Ўзаро ўйинларда олмалиқликлар 12 марта, наманганликлар эса 7 марта зафар қучишган. Тўққизта учрашувда эса кучлар тенг келган. Тўплар нисбатидаги кўрсаткич 37:34, АГМК фойдасига.

Ўзаро ўйинларда олмалиқликлар 45 очкони, “лочинлар” эса 30 очкони қўлга киритишган.

Жамоаларнинг ўзаро учрашувлари тарихига назар ташлайдиган бўлсак, Суперлига (олий лига)даги қарама-қаршиликка 2008 йилда асос солинган. Ўша йили Наманганда ўтказилган дастлабки учрашувда наманганликлар 2:0 ҳисобида зафар қучишганди. Олмалиқдаги жавоб ўйинида эса жамоалар дурангга имзо чекканди – 1:1.

Жамоаларнинг ўзаро барча ўйинлари натижалари:

2008 йил
“Навбаҳор” - ОТМК - 2:0 (1:0)
Голлар: Ш.Мирхолдиршоев (25), Д.Ҳожиев (85).

ОТМК – “Навбаҳор” - 1:1 (0:1)
Голлар: Ш.Муллажонов (66) - Ш.Шарипов (10).

 2009 йил
“Навбаҳор” – “Олмалиқ” - 0:0
“Олмалиқ” – “Навбаҳор” - 2:0 (1:0)
Голлар: С.Усмонхўжаев (27), Б.Ҳайдаров (72-пен.).

2010 йил
“Олмалиқ” – “Навбаҳор” - 2:1 (0:0)
Голлар: И.Эргашев (64), М.Мамазулумов (85) - Ғ.Жўраев (51).

“Навбаҳор” – “Олмалиқ” - 0:1 (0:0)
Гол: Н.Отақўзиев (68).

 2011 йил
“Навбаҳор” – “Олмалиқ” - 0:1 (0:0)
Гол: З.Пиримов (80).

“Олмалиқ” – “Навбаҳор” - 0:3 (0:1)
Голлар: А.Султонов (42,67), А.Абдуллаев (88).

 2012 йил
“Олмалиқ” – “Навбаҳор” - 1:0 (1:0)
Гол: А.Востриков (7).

“Навбаҳор” – “Олмалиқ” - 3:1 (2:0)
Голлар: С.Ҳамидов (8,20), Ж.Ирисметов (60) - С.Бердиев (74).

2013 йил
“Олмалиқ” – “Навбаҳор” - 3:4 (1:1)
Голлар: Ш.Эркинов (6), Д.Туропов (52), Е.Гоголь (81) - А.Баҳриддинов (28,54), Р.Аҳмедов (67,70).

“Навбаҳор” – “Олмалиқ” - 1:3 (1:3)
Голлар:  С.Ҳамидов (5) - О.Жўрабоев (23), С.Шоаҳмедов (32,35).

2014 йил
“Навбаҳор” – “Олмалиқ” - 3:1 (2:1)
Гол: Б.Ёқубов (36), Ш.Эркинов (39,63) - Ш.Ҳакимов (28).

“Олмалиқ” – “Навбаҳор” - 3:1 (1:1)
Голлар: А.Исроилов (6),С.Шоаҳмедов (52,83) - Ш.Эркинов (31).

2015 йил
“Навбаҳор” – “Олмалиқ” - 2:2 (1:1)
Гол: Ш.Эркинов (38,68) -  Ш.Саломов, (45+2), А.Омонов (59).

“Олмалиқ” – “Навбаҳор” - 2:1 (1:0)
Голлар: С.Қуттибоев (5,65) - Д.Жабборов (69).

2016 йил
“Олмалиқ” – “Навбаҳор” - 2:1 (2:0)
Голлар: А.Омонов (4), Ф.Тожиев (22) - А.Ражабов (71).

“Навбаҳор” – “Олмалиқ” - 3:3 (0:2)
Голлар: А.Абдуллаев (47), И.Исоқжонов (49), А.Маҳмудов (72) - Х.Мухторов (7), М.Исаев (28), А.Аманов (50).

2017 йил
“Олмалиқ” – “Навбаҳор” – 2:1 (1:0)
Голлар: С.Рихсибоев (13), И.Йелич (89) – О.Ўрунов (90).

“Навбаҳор” – “Олмалиқ” – 1:1 (0:0)
Голлар: Н.Йованович (83) – Ш.Муллажонов (90+2).

2018 йил
АГМК – “Навбаҳор” – 1:2 (0:0)
Голлар: З.Полвонов (82) – А.Турғунбоев (50), Д.Жабборов (90+2).

“Навбаҳор” – АГМК – 1:0 (1:0)
Гол: Д.Станоевич (15).

2019 йил  
АГМК – “Навбаҳор” - 1:1 (0:1)
Голлар: Ш.Норбеков (90+3) – А.Касьян (7).

“Навбаҳор” – АГМК – 0:1 (0:1)
Гол: З.Полвонов (41).

2020 йил
АГМК – “Навбаҳор” - 1:1 (0:0)
Голлар: Азизбек Турғунбоев (22) – Йован Жокич (90+2).

“Навбаҳор” – АГМК – 0:0

2021 йил
АГМК – “Навбаҳор” – 2:1 (1:1)
Голлар: Санжар Турсунов (26-пенальти), Шоҳруҳ Гадоев (71) - Славиша Стоянович (44-пенальти).

“Навбаҳор” – АГМК – 0:0.

Мазкур жамоаларнинг Олмалиқда ўтказилган баҳсларига назар ташлайдиган бўлсак, 14та баҳснинг  8 тасида мезбонлар ғалаба нашидасини суришган бўлса, жамоамиз 3 марта зафар қучган. Учта учрашувда эса томонлар муроса кўчасини танлашган. Тўплар нисбатидаги кўрсаткич 23:18, АГМК фойдасига.

Эслатиб ўтамиз, АГМК – “Навбаҳор” учрашуви  1 июль куни Олмалиқдаги ОКМК СМда соат 20:00 да старт олади.

“Навбаҳор” ПФК матбуот хизмати.