"ПСЖ"нинг бразилиялик ҳужумчиси Неймар ёзги трансферлар вақтида жамоани тарк этиши мумкин. Бу ҳақда El Pais хабар бермоқда.
Қайд этилишича, Париж клуби вакиллари бразилияликнинг яқинлари билан боғланиб, футболчига норозилик билдиришган. Улар клуб кейинги мавсумда Неймарни режаларига киритмаганига ишонтиришди.
“Неймар машғулотларни ёқтирмайди. У кўп йиллар давомида уч ёки тўртта қўшимча фунт билан ўйнади. Ўйинлар давомида у пассивлик ва ҳимояда ишлашни истамаслигини кўрсатди", - дея ПСЖ вакилларининг сўзларидан иқтибос келтиради манба.
Аввалроқ Неймарнинг ўзи президент Носир Ал-Хелайфийнинг сўзларидан сўнг парижликлар билан ҳамкорликни давом эттириш ниятида эмаслиги хабар қилинганди.
