"Атлетико" ҳужумчиси Луис Суареснинг "Ривер Плейт" билан бўлиши мумкин бўлган келишуви тафсилотлари маълум бўлди.
Аргентина клуби 35 ёшли уругвайлик футболчига йилига 3 миллион евро маош ва Либертадорес кубогида ғолиб чиқса, 1 миллион бонус таклиф қилмоқда, дея хабар беради AS нашри.
Суареснинг “Атлетико” билан шартномаси 2022 йилнинг 30 июнида якунига етади. Шунингдек, футболчининг "Барселона" ёки "Аякс"га қайтиши мумкинлиги ҳам хабар қилинганди.
Ҳужумчи ўтган мавсумда Мадрид клуби сафида 45 та ўйинда майдонга тушиб, 13 та гол урган ва 3 та голга ассистентлик қилган.
