"Милан" ҳужумчиси Златан Ибраҳимович янги шартнома имзолади, деб хабар беради La Republicca.
Тиззасидаги жарроҳлик амалиётидан сўнг тузалаётган 40 ёшли швед “Милан” жамоаси билан 6 ойлик шартнома имзолади.
Ҳужумчи ўйнай олмагунча клуб унга ортиқча маош бермаслиги учун 100 минг евро маош олишга рози бўлди.
Қишда, агар швед футболчи фаолиятини давом эттира олса, томонлар 2022/23 йилги мавсумнинг иккинчи қисми учун ҳамкорликни узайтириши мумкин.
Ибраҳимович ўтган мавсумда "россонерилар" сафида 27 ўйинда 8 та гол урди ва 3 та голли узатмани амалга оширди.
