Мюнхеннинг “Бавария” клуби польшалик ҳужумчи Роберт Левандовскининг нархини 75 миллион еврога оширди, деб хабар беради Diario Sport.
Аввалроқ немис клуби футболчи учун 60 миллион евро талаб қилганди. Ҳужумчи учун асосий даъвогар "Барселона" бўлиб турибди, аммо каталонияликлар унинг учун 40 миллион евродан кўп тўлашлари мумкин эмас. Польшалик форвардга "ПСЖ" ва "Челси" ҳам қизиқиш билдирмоқда.
33 ёшли Левандовски ўтган мавсумда "Бавария" сафида барча турнирларда 46 та ўйинда майдонга тушиб, 50 та гол урди ва 4 та голга ассистентлик қилди. Унинг клуб билан шартномаси 2023 йилнинг ёзига қадар мўлжалланган.
