“Лион” ва “Рома” клубларининг собиқ бош мураббийи Руди Гарсия “Ан-Насср”ни бошқаришга киришди, дея хабар беради Саудия Арабистони клуби матбуот хизмати. 58 ёшли мураббий билан келишуви тафсилотлари ошкор этилмаган.

"Ан-Насср" директорлар кенгаши раиси Мусли Ал Муаммар франциялик мутахассис Руди Гарсия билан шартнома имзолади, у клубнинг асосий жамоаси билан ишлайди. Ишларида муваффақиятлар тилаб қоламиз”, - дейилади клуб матбуот хизмати хабарида.

Эслатиб ўтамиз, Гарсия аввалроқ "Сент-Этьен", "Дижон", "Ле Ман", "Лилль", "Рома", "Марсель", "Лион" ва бошқа клубларда ишлаган.