"Челси" ҳужумчиси Ромелу Лукаку "Интер" билан шартнома имзолашдан олдин тиббий кўрикдан ўтиш учун Миланга келди.
"Интер"га қайтганимдан жуда хурсандман, - деди Лукаку Италияга келгач.
Эслатиб ўтамиз, Лукаку 2021 йилнинг ёзида "Челси" футболчисига айланган. Бельгиялик форвард ўтган мавсумда “аристократлар” сафида барча турнирлар доирасида 44 та ўйинда майдонга тушиб, 15 та гол урди ва 2 та голга ассистентлик қилди.
Лукакунинг инглиз клуби билан амалдаги шартномаси 2026 йилнинг 30 июнига қадар тузилган.