"ПСЖ" "Лилль" ярим ҳимоячиси Ренату Саншеш билан шахсий шартнома шартларини деярли келишиб олди. RMC Sport хабарига кўра, 24 ёшли португалиялик Париж клубида йилига 6 миллион евро олади.
У ПСЖ билан 3 йиллик шартнома имзолаши кутилмоқда.
Аввалроқ, Саншеш учун асосий даъвогар қишдан бери футболчини сотиб олишга уринаётган "Милан" эди. Бироқ португалиялик сўнгги дақиқада Италия клубидан воз кечишга қарор қилди.
Ренату ўтган мавсумда “Лилль” сафида барча турнирларда 32 та ўйинда майдонга тушиб, 2 та гол урди ва 5 та голли узатмани амалга оширди. Ярим ҳимоячининг клуб билан шартномаси 2023 йилнинг 30 июнига қадар мўлжалланган.
