"PSJ" "Lill" yarim himoyachisi Renatu Sanshesh bilan shaxsiy shartnoma shartlarini deyarli kelishib oldi. RMC Sport xabariga ko‘ra, 24 yoshli portugaliyalik Parij klubida yiliga 6 million yevro oladi.
U PSJ bilan 3 yillik shartnoma imzolashi kutilmoqda.
Avvalroq, Sanshesh uchun asosiy da’vogar qishdan beri futbolchini sotib olishga urinayotgan "Milan" edi. Biroq portugaliyalik so‘nggi daqiqada Italiya klubidan voz kechishga qaror qildi.
Renatu o‘tgan mavsumda “Lill” safida barcha turnirlarda 32 ta o‘yinda maydonga tushib, 2 ta gol urdi va 5 ta golli uzatmani amalga oshirdi. Yarim himoyachining klub bilan shartnomasi 2023 yilning 30 iyuniga qadar mo‘ljallangan.
