"Фиорентина" "Реал" ҳужумчиси Лука Йовичга қизиқиш билдирмоқда. Журналист Фабрицио Романонинг твиттерда ёзишича, икки клуб ўртасида маошлар бўйича келишув муҳокама қилинмоқда.
24 ёшли серб йилига 6 миллион еврога яқин маош олади. Томонлар футболчининг Италия клубига ўтишининг якуний тафсилотларини муҳокама қилишмоқда.
Йович келаси ҳафта Флоренцияда тиббий кўрикдан ўтиши ва шартнома имзолаши кутилмоқда.
Лука ўтган мавсумда "Реал" сафида 19 та ўйинда майдонга тушиб, 1 та гол ва 3 та голли узатмани амалга оширган.
