"Коринтианс" расмий сайти "Зенит" ҳужумчиси Юрий Альбертонинг трансферини эълон қилди. 21 ёшли ҳужумчи Бразилия клубига 2023 йилнинг ўрталарига қадар ижара асосида ўтди.
Альбертонинг Россия клуби билан амалдаги шартномаси 2027 йилнинг ёзига қадар мўлжалланган.
Аввалроқ, ҳужумчини "Коринтианс"га ўтказиш бўйича келишув доирасида дарвозабон Иван Куарежма да Силва ва ярим ҳимоячи Густаво Мантуа "Зенит"га ўтиши маълум бўлганди.
Альберто ўтган мавсумда "Зенит" сафида барча турнирларда 15 та ўйин ўтказиб, 6 та гол урди ва 4 та голли узатмани амалга оширди.
