"Korintians" rasmiy sayti "Zenit" hujumchisi Yuriy Albertoning transferini e’lon qildi. 21 yoshli hujumchi Braziliya klubiga 2023 yilning o‘rtalariga qadar ijara asosida o‘tdi.
Albertoning Rossiya klubi bilan amaldagi shartnomasi 2027 yilning yoziga qadar mo‘ljallangan.
Avvalroq, hujumchini "Korintians"ga o‘tkazish bo‘yicha kelishuv doirasida darvozabon Ivan Kuarejma da Silva va yarim himoyachi Gustavo Mantua "Zenit"ga o‘tishi ma’lum bo‘lgandi.
Alberto o‘tgan mavsumda "Zenit" safida barcha turnirlarda 15 ta o‘yin o‘tkazib, 6 ta gol urdi va 4 ta golli uzatmani amalga oshirdi.