"Эвертон" ҳужумчиси Ришарлисон "Тоттенхэм"га ўтишга яқин турибди. У Лондон клуби билан шахсий шартнома шартларини келишиб олди, дея хабар беради журналист Фабрицио Романо.
Шунингдек, клублар яқин вақт ичида 25 ёшли бразилиялик футболчининг трансфер шартномасини ҳам ёпишлари кутилмоқда.
Ришарлисон ўтган мавсумда "Эвертон" сафида барча мусобақаларда 33 ўйинда 11 та гол урди ва 5 та голли узатмани амалга оширди. Унинг клуб билан шартномаси 2024 йилнинг 30 июнига қадар мўлжалланган.
Бразилиялик футболчи мерсисайдликлар сафига 2018 йилда "Уотфорд" сафидан келиб қўшилган. Трансфер суммаси 39,2 миллион еврони ташкил қилган.
