"Everton" hujumchisi Risharlison "Tottenxem"ga o‘tishga yaqin turibdi. U London klubi bilan shaxsiy shartnoma shartlarini kelishib oldi, deya xabar beradi jurnalist Fabrisio Romano.
Shuningdek, klublar yaqin vaqt ichida 25 yoshli braziliyalik futbolchining transfer shartnomasini ham yopishlari kutilmoqda.
Risharlison o‘tgan mavsumda "Everton" safida barcha musobaqalarda 33 o‘yinda 11 ta gol urdi va 5 ta golli uzatmani amalga oshirdi. Uning klub bilan shartnomasi 2024 yilning 30 iyuniga qadar mo‘ljallangan.
Braziliyalik futbolchi mersisaydliklar safiga 2018 yilda "Uotford" safidan kelib qo‘shilgan. Transfer summasi 39,2 million yevroni tashkil qilgan.