Евро-2012нинг Варшавадаги миллий стадионда бўлиб ўтадиган очилиш маросими барбод бўлиши таҳдиди остида турибди.
Rzeczpospolita нашрининг хабарига кўра, ушбу стадионни барпо этган қурувчилар маошлар бўйича қарзни тўлаб бериш борасида ёзма кафолатни қўлга киритмасалар очилиш маросимини ўтказишга халақит беришни дилларига тугиб олишган.
Нашрнинг маълумотига кўра, қирққа яқин субпудратчи-компаниялар Варшавадаги миллий стадион қурилишига масъул бўлган NCS компанияси президентига мурожаат қилиб, бир ҳафта ичида маошлар бўйича қарзлар тўлиқ узилиши ҳақида ёзма кафолат хати беришни талаб қилмоқдалар. Акс ҳолда олти мингга яқин қурувчилар 8 июнь куни стадионга ўтиш йўлларини беркитиб норозилик акцияси уюштиришади.
Кутилишича, бу масала бўйича якуний қарор бугун – Евро-2012нинг старт олишига беш кун қолганда чиқарилади.
