Озарбойжон пойтахти Боку шаҳрида ташкиллаштирилган 17 ёшгача бўлган ўсмирлар ўртасида мусобақа поёнига етди.

Финалда мезбонларни 1:0 ҳисобида мағлуб этган Грузия ўсмирлари чемпионликка эришди. Финал ўйинининг 72-дақиқасида Реваз Барамидзе киритган тўп жамоасининг чемпионлигини таъминлади.

Эслатиб ўтамиз, ушбу мусобақада 3-ўрин баҳсда Ўзбекистон ўсмирлари ён қўшниларимиз Қозоғистон ўсмирларини пенальтилар сериясида мағлуб этганини ХАБАР қилган эдик.

Шунингдек, мусобақанинг энг яхшилари аниқланди.

Энг яхши ўйинчи: Лука Зарандия (Грузия).
Энг муҳим ўйинчи: Фахмин Мурадбейли (Озарбойжон).
Энг яхши тўпурар: Иброҳим Орипов (Қозоғистон).
Энг яхши дарвозабон: Тейимоши Шираока (Япония).
"Фэйр плэй" - Туркия терма жамоаси.

Сўнгги куннинг барча натижалари:

 Финал
Озарбойжон - Грузия - 0:1 (0:0)
 3-ўрин учун:
Қозоғистонн - Ўзбекистон - 2:2 (0:0), пенальтилар бўйича: 3:5
 5-ўрин учун:
Литва - Туркия - 2:2 (1:1), пенальтилар бўйича: 4:2
 7-ўрин учун:
Қирғизистон – Япония – 0:3 (0:1)