"Манчестер Юнайтед"нинг собиқ ҳимоячиси Уэс Браун португалиялик ҳужумчи Криштиану Роналдунинг келажаги ҳақида гапирди. Унинг фикрича, "Манчестер Юнайтед" 37 ёшли ҳужумчини кейинги мавсумда қолдириши керак.

"Агар "Манчестер Юнайтед" Криштиануни сақлаб қола олса, бу жамоа учун катта плюс бўлади. Ўтган мавсумда қанча гол урганига қаранг. Сиз у ҳақида ҳамма нарсани айта оласиз, лекин у мунтазам равишда гол уради", дея Triball Football Брауннинг сўзларини келтиради.

КриРонинг “қизил иблислар” билан амалдаги меҳнат шартномаси муддати 2023 йилнинг ёзига қадар мўлжалланган.

Португалиялик футболчи АПЛда ўтган мавсумда 30 та ўйинда 18 та гол урди.